 |
| 圖是ùi chia來ê → https://www.e-muse.com.tw/node/582 |
『祝え(iwae)！平成假面騎士真正ê完結篇...』
Àm-tǹg taⁿ chia̍h-pá, bé phiò ê sî-chūn te̍k-pia̍t kiông-tiāu góa-beh ài “Sè--ê” ím-liāu kap pōng-bí-phang, kiat-kó i Kiông-pek “Seng-kip” Tōa-poe--ê koh『加點吉拿棒（Churros, Se-pan-gâ ê Iû-chiā-kóe）』, hāi-góa ū tām-po̍h-á bē-sóng 😣
暗頓taⁿ（今）食飽，買票時陣特別強調我欲愛「細ê」飲料佮磅米芳，結果伊強迫「升級」大杯ê koh『加點吉拿棒（Churros，西班牙油炸粿）』，害我有淡薄仔未爽😣
Ka-chài tiān-iáⁿ chiok kàu-khùi！Jî-chhiáⁿ koh-ū chin-chē “Rider Hún-si（Fans ê Hôa-gí im-e̍k”） lâi khòaⁿ-hì, koh-ū tōa-lâng gín-á hâ “Piàn-sin io-tòa” chah “Bú-khì” lâi khòaⁿ-hì！Chin sim-sek！
加再電影足夠氣！而且有真濟「Rider粉絲」來看戲，閣有大人囡仔hâ（華：束、繫腰帶的動作）「變身腰帶」chah（扎；華：攜帶）「武器」來看戲！真sim-sek（心適）！
Āu-lé-pài STAR WARS beh chiōⁿ-ián, chit lé-pài bô lâi khòaⁿ-hì khó-lêng phiò-pâng bô-hó tio̍h oa̍h bē-kàu āu-lé-pài ah！
後禮拜STAR WARS欲上演，這禮拜無來看戲可能票房無好着活未夠後禮拜ah！
Chóng-kiat Ké-bīn Khî-sū（仮面ライダー, Kamen Rider） Zi-O, chit-phō tiān-iáⁿ sǹg-kóng chin kàu-khùi lah！
總結假面騎士Zi-O ，這部電影算講真夠氣lah！
Zi-O sī 「平成」Ké-bīn Khî-sū ê 20-nî kì-liām chok-phín, Zi-O ê zo jī-bó khòaⁿ--lâi chin-sêng sòo-jī 20.
Chok-phín pún-sin chú-tê sī Sî-kan, Zi-O tī Ji̍t-gí koh-ū Sî-kan ê Ông chit-ê ì-sù.
Zi-O是「平成」假面騎士ê20周年紀念作品，Zi-O ê zo字母看--來chiâⁿ-sêng（成成；華：「非常」「相似」，兩字佇台文朗寫做「成」）數字20。作品本身主題是「時間」，Zi-O佇日語閣有「時間ê王」這个意思。
Āu--lâi m̄-chai sī khì hōo siáⁿ-mí Tiān-pho Phah--tio̍h? siōⁿ--tio̍h kā Bûn-jī 「仮面ライダー, Kamen Rider」ti̍t-chiap Siá-tī Bīn-téng, sóo-tì Zi-O koh ke chi̍t-hāng Bûn-jī ê Ông chit-khoán siat-tēng.
後--來毋知是去予啥乜電波拍--着？想--着共文字「仮面ライダー, Kamen Rider」直接寫佇面頂，所致Zi-O閣加一項「文字ê王」這款設定。
Tiān-iáⁿ ê Phìⁿ-miâ 【Ke-bîn Khî-sū Zi-O Over Quartzer】chim-chiok kā khòaⁿ, ài-iō！Kèng-jiân koh chhàng-ū 2019（zoiq） ê àm-hō neh！Ji̍t-pún-lâng si̍t-chāi sī ū-kàu ài, mā ū-kàu gâu sńg bûn-jī ê lah！
電影片名【假面騎士 Zi-O Over Quartzer】斟酌共看，噯喲！竟然閣藏有2019（zoiq）ê暗號neh！日本人實在是有夠愛、嘛有夠gâu耍文字ê lah！
【Over Quartzer】sī Zi-O Tiān-sī-pán ê chú-tê-koa, tī chit-phō tiān-iáⁿ koh sńg chhut bô-kâng ê ì-sù:
【Over Quartzer】是Zi-O電視版ê主題歌，佇這部電影閣耍出無仝ê意思：
1. 「Zi-o Over quartzer」 zi, over, The Over, oân-kiat. 完結。
2. Quartzer ê Quartz sī Chio̍h-eng ê ì-sù, ka er piàn-sêng tiān-iáⁿ lāi-té chi̍t-ê chóng-koán Sî-kan ê sîn-pì chóo-chit.
2. Quartzer ê 「Qoartz」是石英ê意思，加「er」變成電影內底一个總管時間ê神祕組織。
3. Koh siá lo̍h--khì khióng-kiaⁿ tō ē Pok-lûi ah...
3. 閣寫落--去恐驚tō會「爆雷」ah...
※ 註：『加點吉拿棒』是台灣一个專文講電影ê團隊。
