（左）Albert Camus 卡謬《薛西佛斯的神話》張漢良翻譯，志文出版社1974年初版2006年重排版（20120331台北站前地下街誠品）
（右）糸字旁的卡繆《L'Homme révolté 反抗者》2014年大塊出版（2016年「胖丁」送我的）
Tiong-ng chit-pún sī kin-á-ji̍t ê chú-kak, Khah-biū A-peh（Camus Albert） 《Sisyphe ê Sîn-ōe》
Góa tāi-ha̍k Pit-gia̍p tián-lám ê chú-tê 「1+1=oán?」 tō sī kā Ngôo Kong Chhò-chhiū-á ê sîn-ōe koh ka-ji̍p kúi-ê hām chhiū-á mā ū koan-hē ê kòo-sū chò-hóe oán(sńg) chhut chi̍t-ê sin-ê kòo-sū.
Tī chhòng-chok kòe-têng tiong, mā ū siōⁿ--tio̍h Sisyphe Sak-chio̍h-thâu thang Ngôo Kong Chhò-chhiū-á, eh mā-sī sio-siāng sio-siāng neh...
Tō án-ne cháu-khì Tôo-su-koán chhōe siòng-phìⁿ lāi-té n̂g-sek hit-pún lâi tha̍k, āu--lâi chhut siā-hōe khah ū-êng hiông-hiông siōⁿ--tio̍h koh khì chheh-tiàm chhōe-tio̍h chi̍t-pún bé tńg ke-kiám tha̍k.
Ah tiō Ku-koài!? Kui pún chheh hian kah thàu-thàu-thàu koh kiam the̍h-pit ōe-sòaⁿ chò-hō, tio̍h-sī kám-kak ū tha̍k bô tha̍k--ji̍p-khì？ Koh āu-lâi góa ioh eng-kai sī hoan-e̍k bô-kàu chiâu-chn̂g？（1974-nî chhut-pán ê neh！）
Kin-á-ji̍t khì Ko-hiông Sam-û Chheh-tiàm Sûn-chhân-chúi, khòaⁿ-māi chìn-chêng kià-bē lán Khùn-lân Seng-oa̍h-cheh ê CD ū siau--bô？ Ah tō chiah tú-hó khòaⁿ-tio̍h siòng-phìⁿ tiong-ng chit-pún：2017-nî sin-ê pán-pún！Bô siōⁿ sioⁿ-chē tō kā bé tńg--lâi ah！
Ah siōng piⁿ-a hit-pún sī góa Chiân-jīm (iáu-bē Chò-hóe chìn-chêng) sàng--góa-ê), kàu-taⁿ tha̍k bô 20%（59/317-ia̍h）..........
中央這本是今仔日ê主角，卡繆「阿伯」（Camus Albert） 《Sisyphe ê Sîn-ōe》
我大學畢業展覽ê主題「1+1=oán（玩）？」tō是kā（共）吳剛剉樹仔ê神話koh（閣）加入幾个hām（和）樹仔mā（嘛）有關係ê故事做伙玩（耍）出一个新ê故事。
佇創作過程中，嘛有想着Sisyphe Sak（捒）石頭通吳剛剉樹仔，eh（呃）嘛是（sio-siāng）相像相像neh...
tō（就）按呢走去圖書館揣相片內底黃色彼本來讀，後來出社會卡有閒雄雄想着閣去冊店揣着一本買轉加減讀。
Ah tiō（就）龜怪！？規本冊掀甲透透透閣兼提筆畫線做號，着是感覺有讀無讀入去？
閣後來我ioh（臆）應該是翻譯無夠齊全？（1974年出版ê neh！）
今仔日去高雄 三餘冊店「巡田水」，看覓進前寄賣咱困難生活節ê CD有銷無？Ah tō chiah（遮）拄好看着相片中央這本：2017年新ê版本！無想傷濟tō kā買轉來ah！
Ah尚邊a彼本是「胖丁」送我ê，kàu-taⁿ（到今）讀無20%（59/317頁）...
