榮登「台灣第一份報紙」TÂI-OÂN KÀU-HŌE KONG-PÒ 台灣教會公報！！

Liân-sòa Nn̄g-kî chhut-hiān tī TÂI-OÂN KÀU-HŌE KONG-PÒ, ū-iáⁿ sī chin kong-êng!!

Tāi-seng sī Sè-chhiú-ko-ko（👽Góa lah：P） kin-nî Peh-goe̍h khai-sí tī Kong-pò-siā Chheh-pâng ēng Tâi-gí kóng-kò͘-sū, chi̍t khai-sí bô siōⁿ sioⁿ-chē, sūn-chhiú kā beh tha̍k ê hōe-pún kò͘-sū siá chò chhit-jī-á, hiān-tiôⁿ kóng Gín-á-kò͘ kiam liām-koa.

Cha̍p-goe̍h hit kái kóng O͘-bīn-lā-poe ê kò͘-sū, ka-kang ka-ji̍p Pe̍h-hái-ti-á ê kò͘-sū khì tâu-kó, tī téng lé-pài tē-3587-kî khan-teng chhut-lâi ah!

連紲「兩期」出現佇《TÂI-OÂN KÀU-HŌE KONG-PÒ 台灣教會公報》，有影是真光榮！！

代先是「細手哥哥」（我lah：P） 今年八月開始佇公報社冊房用台語講故事，一開始無想傷濟，順手共欲讀ê繪本故事寫做七字仔，現場講囡仔古兼念歌。

十月彼改講烏面抐桮ê故事，加工加入白海豬仔ê故事去投稿，佇頂禮拜第3587期刊出來ah！

【唸歌】現代地獄18景 之 海岸悲歌 Hiān-tāi Tē-ga̍k 18-kéng chi Hái-hōaⁿ Pi-koa

→ https://chanbunse.blogspot.com/2020/12/18-hian-tai-te-gak-18-keng-chi-hai-hoa.html

Siông-sè lāi-iông í-keng lēng-gōa siá tī Chanbûnsè MUSIC ART ê Blog, hoan-gêng ta̍k-ke siu-khòaⁿ.

詳細內容以經另外寫佇Chanbûnsè MUSIC ART ê Blog，歡迎逐家收看。

台灣教會公報新聞網 → https://tcnn.org.tw/archives/79170

--

Sòa--lâi sī Tē-jī-pái Teng-pò, tē-3588-kî.

Chit-kái sī pò-tō Kong-pò-siā Tâi-gí Kóng-kò͘-sū chì-kang ê gián-si̍p.

Kî-si̍t hit-kang hiān-tiôⁿ koh-ū kî-thaⁿ káng-chiá, chin êng-hēng soán-tio̍h góa ê siòng-phìⁿ lâi phòe pò-tō ê bûn-jī. m̄-chai sī m̄-sī kì-chiá pian-chip “Khòaⁿ Lí Iân-tâu lah!”？

徙--來是第二擺登報，第3588期。

這改是報導公報社台語講故事志工ê研習。

其實彼工現場閣有其他講者，真榮幸選着我ê相片來配報導ê文字。毋知是毋是記者、編輯『看你緣投lah！』？

--

TÂI-OÂN KÀU-HŌE KONG-PÒ, 1885-nî Chhit-goe̍h Cha̍p-gō͘ í “TÂI-OÂN HÚ-SIÂⁿ KÀU-HŌE-PÒ” ê miâ chhòng-khan, sī Tâi-oân Tē-it-hūn-pò-chóa! Oân-choân sú-iōng Tâi-gí Pe̍h-ōe-jī lâi ìn-soat chhut-pán. 

Lán Tâi-gí chit-má ē-tàng ū Pe̍h-ōe-jī chiah-nī hó ê bûn-jī-hē-thóng, TÂI-OÂN KÀU-HŌE KONG-PÒ ū chin-tōa ê kong-lô, chin-chiàⁿ kám-un!

《TÂI-OÂN KÀU-HŌE KONG-PÒ 台灣教會公報》，1885年七月十五以《TÂI-OÂN HÚ-SIÂⁿ KÀU-HŌE-PÒ 台灣府城教會報》ê名創刊，是「台灣第一份報紙」！完全使用Tâi-gí Pe̍h-ōe-jī 台語白話字來印刷、出版。

咱台語這馬會凍有白話字遮呢好ê文字系統，《TÂI-OÂN KÀU-HŌE KONG-PÒ 台灣教會公報》有真大ê功勞，真正感恩！

--

※ 華：《台灣教會公報》每期都有PDF數位格式在網路上可以閱覽，當然也歡迎大家收藏紙本，享受台文閱讀的樂趣。

彈珠超人的「續集」，瓶蓋超人！

Siáu-chán--ê
tī mô͘-hêng thó-lūn-khu khòaⁿ lâng hun-hióng Kòa-á Chhiau-jîn ê ang-á:

痟讚ê！
佇模型討論區看人分享「蓋仔超人」ê尪仔：

11/02
😄 『剛下班在忠孝SOGO購入
去的時候架上現貨還很滿
250NT一隻，瓶蓋一包90NT』
--

😛 『把明通治痛單改一改就能玩了
不到二十元』
--
😏 『你先作一隻來看看啊
要能發射瓶蓋喔』
 

.
.
.

11/10
😛  『明通治痛單改的瓶蓋人
瓶身很硬、割得我手好痛』

--

ah 幹！閣真正kā『明通治痛單』超人做出來 neh XD

--

明通治痛單改的瓶蓋人：瓶身很硬、割得我手好痛

用粗吸管加工

可填彈,發射效果差

--

👽 細說「蓋仔超人」：   

「 キャップ革命ボトルマン Kòa-á Kek-bēng Koàn-á Chhiau-jîn 蓋仔革命罐仔超人」

是「ビーダマン B-Daman 珠仔超人 Chu-á Chhiau-jîn」 這个尪仔/𨑨迌物ê「續集」

珠á超人tōaⁿ玻璃珠á來對戰，有影危險。這馬改做彈塑膠蓋á，閣會凍對應Nintendo Switch做伙耍，真厲害neh！

「ボトルマン」照翻是「罐仔超人」，毋過nā依照尪仔ê特色（發射蓋仔），應該也是翻譯做「蓋仔超人」卡好理解hoⁿh？

 https://aqua.komica.org/09/pixmicat.php?res=365519

[GAME] 戰斧 GOLDEN AXed

Chin-kú bô siá Blog, ke-kiám lâi chi̍t-phiⁿ...
真久無寫Blog，加減來一篇...

KÀN~~~ hêng-góa chò gín-á sî ê kám-tōng ah XD
《Golden Axed: A Cancelled Prototype》

ah m̄-ko i chiok Láu-si̍t--ê tī Phiau-thâu tio̍h siá: che-sī chò chi̍t-pòaⁿ hŏng chhú-siau ê Game lah!

Kèng-jiân koh Sńg-bûn-jī: AX tû-liáu pó͘-thâu, chò tōng-sû ū chhú-siau ê ì-sù, só͘-í hō-miâ axED.

Game sńg kàu chi̍t-pòaⁿ hiông-hiông Thiàu tńg phiau-thâu?!
Góa kiò-sī Game ū Bug ia̍h-sī án-nóa leh...

幹~~~ 還我做囡仔時ê感動ah XD
ah毋過伊足「老實ê」佇標頭着寫：這是做一半夆取消ê Game lah！

竟然閣耍文字：AX除了斧頭，做動詞有「取消」ê意思，所以號名「axED」。

Game耍夠一半雄雄跳轉標頭？！
我叫是Game有Bug抑是按怎leh… 

--

SEGA kòe seⁿ-ji̍t, Hān-sî Sńg Bián-chîⁿ lah~
SEGA過生日，限時耍免錢lah~ 

（Chit-má í-keng chhōe-bô ah 這馬已經揣無ah）

--

Lēng-gōa choán-tah chit-ê GAME ê phêng-lūn
另外轉貼這个GAME ê 評論：

『Sega的60週年禮物🎁，會持續到10am PST / 6PM BST October 19th，有興趣的小夥伴們就快快入庫
無中文，評論一般，說真的，Sega送的都很小氣，玩的都不送，專送吃灰的，要是我60大壽也這麼寒酸的就打死那些龜孫子
不過，我真的能活到60歲嗎？應該不會活到這麼長的，不是腎衰竭而死也會是肝衰竭而死，我不會有那麼一天的 』

外來語

沙發是sofa、紅不讓是home run轉日語再轉變而來的，這些都是借用華語音(借音)拼寫的外來語。

沙發、紅不讓已經變成華語詞彙，所以一直「紅不讓、紅不讓…」英語能力並不會進步。

同理，借用華語音來拼寫台語詞彙如：

揪（chio 招，北部oㄜ發音倚近o͘ㄛ/ㄡ）

吐槽（thuh-chhàu 托臭）

靠腰（khàu-iau 哭枵）

母湯（m̄-thang 毋通）

…

就只是為華語增添外來語詞彙，這些「👽華星文」並不會增加使用者華語以外的語言能力。

華國人們嘲笑摻雜英語的「晶晶體」，卻自豪地亂用華星文說這樣叫做「愛歹頑」，覺得自己台語超厲害。

我覺得 it's very Chiná.
這個邏輯奇妙啊…

Góa Hoán-tùi thui-hêng Pôe-sím-chè 我反對推行「陪審制」

Kán-tan bêng-liâu ti̍t-chiap tiám-phòa chú-tê:

 Góa Hoán-tùi thui-hêng Pôe-sím-chè

Ūi-siáⁿ-mi̍h beh hoán-tùi chit-ê chè-tō͘ neh?

“Pôe-sím” chit-ê chè-tō͘ chú-iàu eng-kai sī hun-tam hoat-koaⁿ ê sím-phòaⁿ, phiah-bián Khióng-liông-hoat-koaⁿ ê pi-kio̍k.

M̄-ko lán chim-chiok lâi siōⁿ khòaⁿ-māi,

Tang-kiaⁿ Ò-ūn(Olympic), He̍k-lêng Hoat-tiān, Kāng-sēng Hun-in, Sèng-pia̍t Kàu-io̍k......

Chit kúi-tang--lâi, chia ê Kong-bîn Tâu-phiò kiat-kó sī sáⁿ?

Chia ê Kong-bîn, chit-má beh lâi hoat-īⁿ chò Sím-phòaⁿ?

Lín kóng che kiò-chò Chìn-pō͘ ???

Góa khòaⁿ, lín khó-lêng khah su-iàu chhui-sak “Lio̍k-hoat-choân-su Ûi-it Sí-hêng”, án-ne chiah hù-ha̍p lín ê Hiong-bîn Chèng-gī lah =A=

簡單明瞭直接點破主題：「我反對陪審制」

為啥物欲反對這个制度neh？

「陪審」這个制度主要應該是分擔法官ê審判，避免「恐龍法官」ê悲劇。

毋過咱斟酌來想看覓，

東京奧運、核能發電、仝性婚姻、性別教育…

這幾冬來，遮ê公民投票結果是啥？

遮ê「公民」，這馬欲來法院做審判？

恁講這叫做進步？？？

我看，恁可能卡需要推捒「六法全書唯一死刑」，按呢才符合恁ê鄉民正義lah =A=

--

Āu-kì: Kî-si̍t góa m̄-sī chin-chiàⁿ teh Hoán-tùi pôe-sím chè-tō͘,

m̄-ko Chiná Bîn-kok si̍t-bîn Tâi-oân si-hêng Kok-bîn-kàu-io̍k kàu-taⁿ kúi-cha̍p-tang ah, lán Tâi-oân-lâng hŏng Kàu-io̍k chò án-ne-khoán ê Chiná-lâng? Góa eng-kai bián koh ke soeh-bêng.

Góa chin-sim siong-sìn Kong-bîn Pôe-sím, ē-tàng phiah-bián Khióng-liông-hoat-koaⁿ ê pi-kio̍k, chiân-tê sī lán ài ū Hó--ê Tâi-oân Kong-bîn.

後記：其實我毋是真正teh「反對」陪審制度，

毋過Chiná民國殖民台灣施行「國民教育」夠taⁿ幾十冬ah，咱台灣人夆「教育」做按呢款ê「Chiná人」？我應該免閣加說明。

我真心相信公民陪審，會凍避免恐龍法官ê悲劇，前提是咱愛有好ê台灣公民。

※ 新聞圖像ūi「牛哥 Google」借來ê

 → https://news.google.com/stories/CAAqOQgKIjNDQklTSURvSmMzUnZjbmt0TXpZd1NoTUtFUWluMFpLOGxZQU1FYmlLY2lWLS16QWxLQUFQAQ?hl=zh-TW&gl=TW&ceid=TW%3Azh-Hant

我嘛是真「漚客」neh（聽ヨルシカ ê 新歌）

（相片正手頂面kap正手直排中ng兩个）

（Hàn-lô 漢羅）
Kū-nî góa pān chi̍t-tiôⁿ piáu-ián chhái-iōng “Kau-ōaⁿ” ji̍p-tiôⁿ, kî-tiong ū chi̍t-ūi ko-tiong a-moāi-á the̍h ヨルシカ(Yorushika) chit-ê Ji̍t-pún ga̍k-thoân ê chhiò-phìⁿ lâi kau-ōaⁿ.
舊年我辦一場表演採用「交換」入場，其中有一位高中a妹á提ヨルシカ(Yorushika)這个日本樂團ê唱片來交換。

Góa chiok kah-ì in Gih-tah ê Tone, thiaⁿ--lâi chin sóng!
Chêng chi̍t-chām-á tī Lín-tau-chúi-kńg khòaⁿ-tio̍h in hoat sin chi̍t-tè chhiò-phìⁿ, khòaⁿ iáⁿ-phìⁿ sī chin hó-thiaⁿ m̄-ko góa chiok kah-ì ê Gih-tah tone kah-nā bô--khì?
我足甲意in Gih-tah ê Tone，聽來真爽！
前一站á佇「恁兜水管」看着in發新一塊唱片，看影片是真好聽毋過我足甲意ê Gih-tah tone 甲若無--去？

kin-á-ji̍t tiám-tio̍h 「Su-sióng-hoān 思想犯」 chit-tiâu sin-koa ê iáⁿ-phìⁿ, sóng! tio̍h-sī chit-bī lah!
今仔日點着「思想犯」這條新歌ê影片，爽！着是這味lah！

iah m̄-ko kāng chi̍t-sî góa koh “Kàn!” chi̍t-siaⁿ, góa mā sī chin Àu-kheh neh ：P
Choân-sin--ê thiaⁿ bē koàn-sì, nā chiàu goân-té khì-bī iū-koh khì-hiâm bô piàn-hòa…
抑毋過仝一時我閣「諫 Kàn！」一聲，我嘛是真「漚客」neh：P
全新ê聽袂慣勢，若照原底氣味又閣棄嫌無變化⋯

影片網址 → https://www.youtube.com/watch?v=ENcnYh79dUY

（Choân Lô 全羅）
Kū-nî góa pān chi̍t-tiôⁿ piáu-ián chhái-iōng “Kau-ōaⁿ” ji̍p-tiôⁿ, kî-tiong ū chi̍t-ūi ko-tiong a-moāi-á the̍h ヨルシカ(Yorushika) chit-ê Ji̍t-pún ga̍k-thoân ê chhiò-phìⁿ lâi kau-ōaⁿ.

Góa chiok kah-ì in Gih-tah ê Tone, thiaⁿ--lâi chin sóng!
Chêng chi̍t-chām-á tī Lín-tau-chúi-kńg khòaⁿ-tio̍h in hoat sin chi̍t-tè chhiò-phìⁿ, khòaⁿ iáⁿ-phìⁿ sī chin hó-thiaⁿ m̄-ko góa chiok kah-ì ê Gih-tah tone kah-nā bô--khì?

kin-á-ji̍t tiám-tio̍h 「Su-sióng-hoān 思想犯」 chit-tiâu sin-koa ê iáⁿ-phìⁿ, sóng! tio̍h-sī chit-bī lah!

iah m̄-ko kāng chi̍t-sî góa koh “Kàn!” chi̍t-siaⁿ, góa mā sī chin Àu-kheh neh ：P
Choân-sin--ê thiaⁿ bē koàn-sì, nā chiàu goân-té khì-bī iū-koh khì-hiâm bô piàn-hòa…

動畫【Hurray For Huckle!】無閒鎮ê神秘事件 Bô-êng-tìn ê Sîn-pì Sū-kiāⁿ

（圖是ùi「弘恩動畫」copy夠我ê相簿）

Chit chhut tī Hakka TV ū Hakfa ê pán-pún, góa ū-sî-chūn ē àm-tǹg phòe-tiān-sī tòe teh khòaⁿ.

Kî-tiong chi̍t-tùi ti-á hiaⁿ-tī (chhēng chhiah-âng kap chheⁿ-le̍k saⁿ--ê) tiāⁿ-tiāⁿ teh oan-ke sio-tak, chō-sêng chhiò-khoe hāu-kó.

Ti-á bêng-bêng chiok kó͘-chui iū-koh khiáu, m̄-ko tiāⁿ-tiāⁿ chiâⁿ-chò gōng-tai ê kak-sek
TAT

這齣佇Hakka TV有Hakfa（客話）ê版本，我有時陣會「暗頓配電視」綴塊看。

其中有一對豬á兄弟（穿赤紅佮青綠衫ê）定定塊冤家相觸，造成笑詼效果。

豬á明明足古錐又閣巧，毋過定定成做戇呆ê角色（哭哭）

圖是ùi「弘恩動畫」copy夠我ê相簿 → https://shop.myvideo.com.tw/product/1707175005

Chú-kak Niau-á-hiaⁿ Ha-khek sái-chhia, Niau Sió-mōe khiâ o͘-tó͘-bái.

Ah chit-tùi 🐽Ti-á hiaⁿ-tī kèng-jiân sī chòe-hōe sái chi̍t-chiah ian-chhiân-chhia 🌭？！ ū-kàu tē-ga̍k chhiò-khoe XD

主角貓阿兄哈克駛車，貓小妹騎o͘-tó͘-bái。

阿這對豬á兄弟竟然是做伙駛一隻煙腸車？！有夠地獄笑詼XD

--

Lēng-gōa koh ū chi̍t-ê kó͘-chui ê só͘-chāi:

ū chi̍t-ūi iôⁿ-á ōe-ka hō-miâ Van Goat, kî-si̍t tio̍h sī kā Ìn-siōng-phài “Vincent Van Gogh(Bûn-seng Hoân-kok)” thang soaⁿ-iûⁿ “Goat” kap chò-hóe, chin-ū ì-sù.

另外閣有一个古錐ê所在：
有一位羊á畫家號名「Van Goat」，其實着是共印象派「Vincent Van Gogh 文生 梵谷」通山羊「Goat」佮做伙，真有意思。

【食】義美5.3 vs 光泉5.1

義美做「食品」是真有良心，毋過做「商品」的手路是有淡薄á奸巧，定定偷別人的idea來做。

Ah義美「偷來的」，有時陣閣比「原版的」卡好食！
🤔
毋過這改義美vs光泉ê豆奶相戰，應該閣愛向前講夠另外一項產品：牛奶茶。

進前義美佇大賣場Costco專賣一項新產品「厚奶茶」。
「厚奶茶」ê成份真單純甲若「牛奶、茶、糖、脂肪」，而且閣真好飲，隨着造成大賣、大轟動！

無偌久，光泉嘛推出「濃奶茶」，包裝相像相像，成份嘛仝款單純。

又閣過一時--á，光泉推出頂懸相片有看--ê「特濃豆奶」
煞--來換義美這支「厚豆奶」來「拍對台」ah！

（相片下脚接紲是全白話字ê版本
siòng-phìⁿ ē-kha chiap-sòa sī choân Pe̍h-ōe-jī ê pán-pún）

Gī-bí chò Si̍t-phín sī chin ū liông-sim, m̄-ko chò Siong-phín ê chhiú-lō͘ sī ū tām-po̍h-á kan-khiáu, tiāⁿ-tiāⁿ thau pa̍t-lâng ê idea lâi chò.

Ah Gī-bí Thau--lâi-ê, ū sî-chūn koh pí Goân-pán khah hó-chia̍h!

m̄-ko chit-kái Gī-bí vs Kong-chôaⁿ ê Tāu-leng sio-chiàn, eng-kai koh ài hiòng-chêng kóng kàu lēng-gōa chi̍t-hāng sán-phín: Gû-ni-tê.

Chìn-chêng Gī-bí tī Tōa-bē-tiôⁿ Costco choan-bē chi̍t-hāng sin sán-phín “厚奶茶 Kāu ni-tê” .
“厚奶茶” ê sêng-hūn chin tan-sûn kah-nā “gû-ni, tê, thn̂g, chi-hông”, jî-chhiáⁿ koh chin hó lim, sûi tio̍h chō-sêng tōa-bē, tōa hong-tōng!

Bô gōa-kú, Kong-chôaⁿ mā thui-chhut “濃奶茶 Lông ni-tê”, pau-chong sio-siāng sio-siāng, sêng-hūn mā kāng-khoán tan-sûn.

Iū koh kòe chi̍t-sî--á, Kong-chôaⁿ thui-chhut téng-koân siòng-phìⁿ ū khòaⁿ--ê “特濃豆奶 te̍k-lông tāu-leng”
Soah--lâi ōaⁿ Gī-bí chit-ki “Kāu tāu-leng” lâi phah tùi-tâi ah!

【閒á話】ùi陳雷《鄉史補記》講夠 鈴木雅之『DADDY ! DADDY ! DO ! feat. 鈴木愛理』

我佇陳雷《鄉史補記》這抱台語大河小說讀着一个嫁娶ê場面：

『沿路放炮，pûn鼓吹，pûn tā-ti-tu，比giâ媽祖khah鬧熱…』（182頁）

問阮阿公：「啥物是『tā-ti-tu』？」
 
阿公講伊知影，毋過講袂出一个詳細：
『着像kó͘-chhui（鼓吹），以早有，這馬卡無ah lah！』

後來佇讀冊會捌有討論着，毋過嘛無啥印象ah（足成通「（華）西索米」差不多意思???）
 
阿，閒á話講一堆，其實是欲講這條歌：
【Daddy! Daddy! Do!】聽起來有sêng『tā-ti-tu』neh！？

https://www.youtube.com/watch?v=2Od7QCsyqkE



這个W-SUZUKI双鈴木ê組合，我個人認為是真心適、真四配ê『美女佮野獸』：P

這兩位歌手我甲若「知影」猶未講足「熟似」
tú-chiah（拄才）問「牛哥 Google」有ke（加）一sut-sut-á（屑屑á）了解：

鈴木愛理（Suzuki Airi），八歲着佇少女團體塊唱歌ê囡仔歌手，這馬20幾歲á，已經無夠「少女」ah！？

鈴木雅之（Suzuki Masayuki）1980年代開始唱歌，hiān-chú-sî（現此時）60幾歲，愛理若是叫伊「阿公」朗無超過hah-hah！

年歲60幾ê「阿伯/o͘-lí-sáng(おじさん)」，通「無夠少女ê少女」做伙合唱。主唱阿伯雄雄着變少年ah！
合唱ê「妹妹」有吸收一寡「大人」ê氣質，毋過佇「老阿伯」邊a，當然是看來足青春ah！

ATC Taiwan 報導 → https://atctwn.com/2020/04/13/45695/

🍻 白馬非馬，金牌FREE毋是酒。

“Pe̍h-bé hui bé, Kim-pâi Free m̄-sī chiú.”
🍻
Si̍t-chè-siōng sī “Be̍h-á Hops(Chiú-hoe) Khì-chúi.”

Tâi-oân Bih-luh Classic, 18, Kim-pâi, che saⁿ-ki thang chit-ki Khì-chúi lâi pí; Tek-khak sī thang Kim-pâi khah sio-siāng.

Góa ioh sī in-ūi Kim-pâi Hông-lâi-bí ê phang-bī bô Hops chiah kāu, chit-ki Khì-chúi sī oân-choân bô ka Hông-lâi-bí, Sóo-í kap Kim-pâi khah sêng?

Póo-chhiong sió tì-sek:

Kok-chè kui-hoān lāi-té, BEER kah-nā ē-tàng sú-iōng Be̍h-á, Hops, lâi kek-chiú.

Tâi-oân Bih-luh thiaⁿ-kóng sī ū chi̍t-tang lán tiū-á tōa-chhut, iū-koh bô-hoat-tōo chhut-kháu; Chèng-hú soah kio Kong-bē-kio̍k the̍h tiū-á(Hông-lâi-bí) lâi kek-chiú.

Chhī-bīn-siōng tû-liáu lán Tâi-oân Bih-luh, hán-ti̍t lim--tio̍h chit-khoán te̍k-sû ê Hông-lâi-bí phang-bī.
--
『白馬非馬，金牌FREE毋是酒。』
實際上是「麥仔Hops（酒花）汽水。」

台灣Bih-luh（Beer）Classic（經典）、18、金牌，這三支通這支「汽水」來比，的確是通金牌卡相像。

我臆是因為金牌「蓬萊米」ê芳味無Hops遮厚，這支汽水是完全無加蓬萊米，所以佮金牌卡成？

補充小智識：
國際規範內底，Bih-luh甲若會凍使用麥仔、Hops，來激酒。
台灣Bih-luh聽講是有一冬咱稻仔大出，又閣無法度出口；政府煞叫公賣局提稻仔（蓬萊米）來激酒。
市面上除了咱台灣Bih-luh，罕得飲着這款特殊ê蓬萊米芳味。

A-tiong Pōo-tióⁿ Mâu-tún tùi-chhiong 👽 阿中部長矛盾對沖

【Mâu-tún tùi-chhiong👽矛盾對沖】
 
Bat khòaⁿ-tio̍h ū pò-tō kóng lán chit-má Ōe-seng-hok-lī-pōo Tân Sî-tiong pōo-tióⁿ sī tē-it-ūi Khí-kho-i-seng lâi chò pōo-tióⁿ--ê.
捌看着有報導講咱這馬衛生福利部陳時中部長是第一位齒科醫生來做部長ê。

Pò-tō góa bô tiám-ji̍p-khì kā tha̍k,
m̄-koh góa ioh chha-put-to sī teh po Tân pōo-tióⁿ chin jīn-chin kut-la̍t chiah ū châi-tiāu chē tī chit ê ūi.
報導我無點入去共讀，毋過我臆差不多是塊講陳部長真認真骨力才有才調坐佇這位。 🤔
Khiā-tùi-bīn neh!?
徛對面neh？
Góa mā khòaⁿ-tio̍h ū-lâng kóng, chit-ê Tân--ê khí-kho i-seng, Bú-hàn Hì-iām i sī bat sáⁿ lah?!
我嘛看着有人講，這个陳ê齒科醫生，武漢肺炎伊是捌啥lah？！
 
ah téng-koân sī chìn-chêng Ōe-seng-sú Kok-bîn-kiān-khong-kio̍k ê LOGO, 
ah頂懸是進前衛生署國民健康局ê LOGO，
Khòaⁿ--khí-lâi chhin-chhiōⁿ Saⁿ-ê-lâng Liâm-thi-thi m̄-chai the sńg siáⁿ-mih PLAY？
看起來親像三个人黏黐黐毋知塊耍啥乜Play？

Chit-má kái-chè pìⁿ Ōe-seng-hok-lī-pōo Kok-bîn-kiān-khong-Sú, tio̍h ōaⁿ sin-ê Logo ah.
這馬改制變衛生福利部國民健康「署」 ，着換新个Logo ah。

[meme] 過年寫字春

Koe-nî lâi siá jī-chhun(chhun-liân)
過年來寫字春（春聯）

Téng-kha: Thàn bô sóo-hùi thang chia̍h-chhēng?
Ē-kha: Hiān-tiôⁿ ián-liān khòaⁿ hoán-èng：P

頂跤：趁無所費通食穿？
下跤：現場演練看反應：P

Hoâiⁿ-phi: Ke-thâu Gē-jîn
橫批：人藝頭街（Chinese 愛ùi正爿寫夠倒爿：）

🤔細說：用meme來解說街頭藝人ê心態，一方面看來是趁無錢？換一个角度其實我是teh「趁」現場演練，研究觀眾真實ê反應：P

--

※ 仝場放送：是按怎逐家朗呼籲「回家」投票？

若像我留踮家鄉，安居樂業；踏淺拖散步出門着會凍投票ah！
毋免佇遐teh青狂拚路neh


這个meme是ùi歌手Drake 伊「Hotline Bling」這條歌MV來產生ê https://www.youtube.com/watch?v=uxpDa-c-4Mc

我親手「偕」 PS（Photo-Shop） 修圖合成，
兩張我ê大頭相，是ùi2016/06/14 不要核四五六運動演出相片「ka 鉸」落來ê 

偕 Kai：「共伊 kā-i」兩字連音變成「kai」

 2013/06/14 曾文細不要核四愛五六

（完整影片回顧 https://www.youtube.com/watch?v=1Yi6H1hG-_A）