OX福利vs小北百貨vs寶雅？

『…小北的正職員工比率超過9成，相較之下，寶雅正職人員約僅占4成。』

這个數字感覺成厲害？
毋過為啥乜是通寶雅比較？

是講我進前佇全聯，店內掛店經理總七、八人，足成嘛無九成朗正職个？
（新人加入全聯，愛過幾個月後，去上課閣考試才會升做正式員工。）

Chit ê sòo-jī kám-kak chiâⁿ lī-hāi?
M̄-koh ūi siáⁿ-mih sī thong 寶雅 pí-kàu?

Sī-kóng góa chìn-chêng tī Choân-liân, tiàm--lāi kòa tiàm-keng-lí chóng chhit-peh-lâng, chiok sêng mah bô káu-siâⁿ lóng chèng-chit ê?
(Sin-lâng Ka-ji̍p Choân-liân, ài kòe kúi-kò-goe̍h āu, khì siōng-khò koh khó-chhì chiah ē seng-chò chèng-sek oân-kang.)


（彩卵？Chhái-Nn̄g?）
我寫這篇使用5ê「成字」，其中有三種無仝發音：9成、足成、成厲害。

Góa siá chit-phiⁿ sú-iōng 5-ê 成--jī, kî-tiong ū Saⁿ-chióng bô-kâng ê hoat-im: 9-Siâⁿ, chiok-Sêng, Chiâⁿ-lī-hāi.


《商業週刊》海產攤起家，做到120家店！台灣雜貨王傳奇
→ https://www.businessweekly.com.tw/magazine/Article_page.aspx?id=38576

頭家毋予咱薪水，敢有法度共判刑？

【Thâu-ke m̄ hōo lán sin-súi, kám ū-haot-tō͘ kā phòaⁿ-hêng? 頭家毋予咱薪水，敢有法度共判刑？】

Lô-kang kap Thâu-ke ē-tàng kóng sī Khè-iok koan-hē.
Thâu-ke chhut chîⁿ kau-e̍k lô-kang ê lô-tōng sêng-kó.

Nā-chún sī thâu-ke boaih hù chîⁿ, ā-sī kǎng Thau-kin-kiám-nió.
Lán ē-tàng kóng chit ê thâu-ke Chhiúⁿ-toa̍t, Thau-the̍h, Kiông-chiàm lô-kang ê lô-tōng sêng-kó.

Chit khoán ok-chit ê hoān-chōe hêng-ûi, ài kā Phoàⁿ-hêng khah tio̍h.

M̄-koh chit-má Chi-ná Bîn-kok kan-na kā Lo-Chu kiù-hun tòng-chò Bîn-hoat ê khè-iok koan-hē.
Iah bô kā tòng-chò sī ài phoàⁿ-hêng ê hoān-chōe hêng-ûi(Hêng-hoat).
Tian-tò sī lô-kang teh khòng-cheng ê sî-chūn tiāⁿ-tiāⁿ khì hǒng phoàⁿ-hêng neh?


Khòaⁿ-tio̍h Sin-pak-chhī chit-keng Si̍t-phín kang-chhióoⁿ ê gōa-chip î-bîn-kang Pā-kang khòng-cheng ê sin-bûn, soah siōoⁿ--tio̍h chìn-chêng bat ū lâng teh chhui-sak Lô-Chu Kiù-hun beh ji̍p Hêng-hoat phòaⁿ-hêng.


（台語漢字）
勞工佮頭家會當講是契約關係，
頭家出錢交易勞工ê勞動成果。

若準是頭家無愛付錢、抑是kǎng「偷斤減兩」。
咱會當講這个頭家「搶奪、偷提、強佔」 勞工ê勞動成果。
這款惡質ê犯罪行為，愛共「判刑」卡著。

毋過這馬Chiná民國敢若共「勞資糾紛」當做是民法ê契約關係。
猶無共當做是愛判刑ê犯罪行為（刑法）。
顛倒是勞工咧抗爭ê時陣定定去hǒng判刑neh？

看着新北市一間食品工廠ê外籍移民工罷工抗爭ê新聞，煞想着進前捌有人塊推捒「勞資糾紛」欲入《刑法》判刑。

Sin-bûn tī chia 新聞佇遮 → http://www.eventsinfocus.org/news/3132