母語日常書寫#6【Chia̍h 食】

【Tâi-gí Pe̍h-ōe-jī 台語白話字】
(1) Thàu-chá khí Tê--ê-môo-chhiú bé chi̍t-poe Le̍k-tê-gû-ni.
Lim loh kám-kak koài-koài?
Goân-lâi gōa-kháu thong-siông leh bē ê sī Ba̍k-nī-le̍k-tê, kin-á-ji̍t lim--tio̍h Sûn--ê Le̍k-tê tian-tò bē koàn-sì.

(2) Hóe-liông-kó, chi̍t khai-sí sī pe̍h-bah ê, āu-bé chhut-hiān âng-bah ê, tio̍h khah bô khoàⁿ--tio̍h pe̍h-bah Hóe-liông-kó ah.

Kiǎⁿ àm-tǹg chia̍h liáu ê chúi-kó sī pe̍h-bah hóe-liông-kó, chi̍t pōo lo̍h-khì chiah hoat-hiān, ūi-siáⁿ-mi̍h lâng kóng âng-bah ê khah hó-chia̍h?
In-ūi âng-bah Hóe-liông-kí khah sng, i-ê tiⁿ-tō͘ ē pí pe̍h-bah ê khah bêng-hián. 



【Pe̍h-ōe-jī Hàn-jī Tùi-chiàu 白話字漢字對照】

(1) Thàu-chá khí Tê--ê-mô͘-chhiú bé chi̍t-poe Le̍k-tê-gû-ni.

透早去「茶ê魔手」買一杯「綠茶牛奶」。

Lim loh kám-kak koài-koài?

啉（飲）落去感覺怪怪？

Goân-lâi gōa-kháu thong-siông leh bē ê sī Ba̍k-nī-le̍k-tê,

原來外口通常咧賣ê是茉莉綠茶，

kin-á-ji̍t lim--tio̍h Sûn--ê Le̍k-tê tian-tò bē koàn-sì.

今á日啉着「純ê」綠茶，顛倒未慣勢。

(2) Hóe-liông-kó, chi̍t khai-sí sī pe̍h-bah ê,

火龍果，一開始是白肉ê，

āu-bóe chhut-hiān âng-bah ê, tio̍h khah bô khoàⁿ--tio̍h pe̍h-bah Hóe-liông-kó ah.

後尾出現紅肉ê，着較無看着白肉火龍果ah。

Kiǎⁿ àm-tǹg chia̍h liáu ê chúi-kó sī pe̍h-bah hóe-liông-kó,

今仔日暗頓食了ê水果是白肉火龍果，
（「kiǎⁿ」應該是「kin-á-ji̍t 今仔日」ê連音字）

chi̍t pō͘ lo̍h-khì chiah hoat-hiān,

一哺落去才發現，

ūi-siáⁿ-mi̍h lâng kóng âng-bah ê khah hó-chia̍h?

為啥物人講紅肉ê較好食？

In-ūi âng-bah Hóe-liông-kí khah sng, i-ê tiⁿ-tō͘ ē pí pe̍h-bah ê khah bêng-hián.

因為紅肉火龍果較酸，伊ê甜度會比白肉ê較明顯。