母語日常書寫#7 【Hong-thai 風颱】

（台語白話字 Tâi-gí Pe̍h-ōe-jī）
Pài-la̍k Lé-pài khó-lêng ū chi̍t-ê hong-thai beh lâi Tâi-oàn?

i hō-miâ kiò-chò Mangkhut, Mangkhut sī chi̍t-chióng Thài-kok ê chúi-kó, lán ē-tàng kiò-i "Soaⁿ-tek".

Pún-té nā chiò sūn-sū eng-kai ē hō-miâ kiò "Liû-liân",m̄-ko tī 2006 nî Hong-thai Liû-liân chō-sêng Tang-lâm-a chiâⁿ-tōa ê chai-hāi, só͘-í tio̍h hō͘ "Tû-miâ" kái-ōaⁿ chò kâng-khoán sī Thài-kok ê chúi-kó Mangkhut.

Hó-kî chhâ chi̍t-ē hong-thai, siō͘ⁿ-bē-kàu kèng-jiân ū hong-thai khì hông Tû-miâ ê kò͘-sū neh!

 （Hong-thai beh lâi bô-tāi-bô-chì mài cháu-khì hái-piⁿ-á, chiok hûi-hiám!）
（上圖：風颱欲來無代無誌莫走去海邊á，足危險！）


（羅馬字漢字對照 Lô-má-jī Hàn-jī tùi-chiàu）
Pài-la̍k Lé-pài khó-lêng ū chi̍t-ê hong-thai beh lâi Tâi-oàn?拜六禮拜可能有一ê風颱欲來台灣？

i hō-miâ kiò-chò Mangkhut, Mangkhut sī chi̍t-chióng Thài-kok ê chúi-kó, lán ē-tàng kiò-i "Soaⁿ-tek".伊號名叫做「Mangkhut」，Mangkhut是一種泰國ê水果，咱會當叫伊「山竹」。

Pún-té nā chiò sūn-sū eng-kai ē hō-miâ kiò "Liû-liân",本底若照順序應該會號名叫「榴槤」，

m̄-ko tī 2006 nî Hong-thai Liû-liân chō-sêng Tang-lâm-a chiâⁿ-tōa ê chai-hāi, só͘-í tio̍h hō͘ "Tû-miâ" kái-ōaⁿ chò kâng-khoán sī Thài-kok ê chúi-kó Mangkhut.毋過佇2006年風颱榴槤造成東南亞誠大ê災害，所以著予「除名」改換做仝款是泰國ê水果Mangkhut。

Hó-kî chhâ chi̍t-ē hong-thai, siō͘ⁿ-bē-kàu kèng-jiân ū hong-thai khì hông Tû-miâ ê kò͘-sū neh!好奇查一下風颱，想袂夠竟然有風颱去夆（「hō͘-lâng 予人」兩字連音變做hông）「除名」ê故事neh！