from BLOG 「麻瓜的語言學」
《語言一旦死了，還救得回來嗎？－愛爾蘭語及希伯來語》
→ https://uegu.blogspot.com/2015/04/blog-post_28.html
以下摘錄片段：
『Gaeilge na hÉireann 愛爾蘭語…徒剩基本日常生活表現功能的語言，罵人、抱怨、表現親和力、國族認同時使用爾爾。
甚至，有些人不知道愛爾蘭語是能夠書寫的，他們顯然不知道世界上沒有語言不能被書寫…』
有沒有覺的很眼熟？
在ㄓ華ㄇ國，台語、客語、南島族語…甚至在「日常生活」都難以使用，並不是這些語言「不好」，而是在99.9％全華語的環境，這些語言並沒有被「現代化」。
單字、語感、文法…逐漸消亡、持續被華語「污染」
新的現代化的詞彙又鮮少被翻譯或本土化…
以上這段文字用華語大約只花我五分鐘時間
若要用台語思考、並且附上羅馬、漢字雙語書寫，我想至少需要一小時…
以下開始母語日常書寫：
（POJ Pe̍h-ōe-jī） Kám-ē kám-kak chiok bīn-se̍k?
tī Hôa-kok (Chi-ná Bîn-kok),
Tâi-gí, Kheh-gí, Lâm-tó-cho̍k-gí (Goân-chū-bîn kok cho̍k ê gí-giân)...
kin-pún tī ji̍t-siông seng-oa̍h tiong beh the̍h-lâi sú-ēng lóng chiâⁿ khùn-lân.
m̄-sī kóng chia--ê gí-giân "Bô-hó-ēng"
sī in-ūi tī 99.9% choân Hôa-gí ê khoân-kéng tang-tiong
chia--ê gí-giân bô "Hiān-tāi-hòa"
gí-sû, gí-kám, gí-hoat...ta̍uh-ta̍uh-á liah siau-sit sí-bông,
Hôa-gí sûi-sî liah "U-jiám" Tâi-oân ê gí-giân.
sin-ê hiān-tāi-hòa ê jī-sû koh bōe-hù hoan-e̍k kap chāi-tē-hòa...
í-siōng chit tōaⁿ bûn-jī góa ēng Hôa-gí iok-iok 5 hun-cheng tio̍h siá oân
nā-sī beh ēng Tài-gî su-khó, ka-siōng Pe̍h-ōe-jī & Hàn-jī Siang-gí su-siá,
góa siō͘ⁿ (siūⁿ) siōng-chì-chió ài khai chi̍t-tiám-cheng
（Tài-gî Hàn-jī 台語漢字）敢有感覺足面熟？
佇「華國（Chi-ná Bîn-kok 支那民國）」
Tài-gî 台語、客語、南島族語（原住民各族ê語言）...
根本佇日常生活中欲提來使用攏誠困難。
毋是遮ê語言「無好用」
是因為佇99.9%全華語ê環境當中
遮ê語言無「現代化」
語詞、語感、語法...沓沓仔跡消失、死亡...
以上這段文字我用華語約約5分鐘着寫完
若是欲用台語思考，加上Pe̍h-ōe-jī 白話字 & 漢字「雙語」書寫，
我「想（台南腔）」上至少愛開一點鐘
面子冊有朋友留話討論
我閣開一寡時間練習用「雙語書寫」來偕回應：
Bīn-chú-chheh ū pêng-iú lâu-ōe thó-lūn
góa koh khai chi̍t-kóa sî-kan liān-si̍p ēng Siang-gí su-siá lâi kai hôe-èng:
（Tài-gî Hàn-jī 台語漢字）
華國教育罕得有多元文化ê價值觀
毋但本土語言欲「去了了」
當初時對華國來台灣ê語言嘛無受着尊重
東南亞來台灣拍拚ê新移民
怹ê語言抑是無法度佇華國「落土釘根」
我卡自私，先救家己...
家己母語家己救
(台語白話字 Tài-gî Pe̍h-ōe-jī)
Hôa-kok kàu-io̍k hán-tit-ū to-goân bûn-hòa ê kè-ta̍t-koan.
m̄-nā Pún-thó͘ gí-giân beh "khì-liáu-liáu"
tng-chhe-sî tùi Hôa-kok lâi Tâi-oàn ê gí-giân mah bô siū-tio̍h chun-tiōng
Tang-lâm-a lâi Tâi-oân phah-piàⁿ ê Sin-î-bîn,
in ê gí-giân iah sī bô-hoat-tō͘ tī Hôa-kok Lo̍h-thô͘-tèng-kin
Góa khah chū-su, seng kiù ka-tī...
Ka-tī Bú-gí Ka-tī Kiù
沒有留言:
張貼留言