讀冊：長篇七字á唸歌《台灣風雲榜》

【台灣風雲榜】是我師--ê 周定邦老師ê作品。

周老師共大先輩許丙丁ê【小封神】改編做長篇七字仔唸歌。我共算一下差不多有600幾葩。
府城舊冊店有這本冊，閣有足濟足濟台語文ê冊，真正是一个寶庫。

【Tâi-oân Hong-hûn-pńg】sī góa sai--ê Chiu Tēng-pang lāu-su ê chok-phín.
Chiu lāu-su kā tōa siǎn-pái Khóo Péng-teng ê 【Sió Hong-Sîn】kái-pian chò tn̂g-phiⁿ chhit-jī-á liām-koa. Góa kā sǹg--chi̍t-ē chha-put-to ū 600 kúi pha.
Hú-siâⁿ Kū-chheh-tiàm ū chit pún chheh, koh ū chiok chē chiok chē Tâi-gí-bûn ê chheh, chin-chiàⁿ sī chi̍t ê pó-khòo.

（頂禮拜）三月初三是玄天上帝聖誕，【小封神】ê主角著是ùi臺南市兩間上帝廟來講起。
小上帝爺香火悽慘想無步，竟然欲共伊个xxx提去當店換銀兩？
煞來閣會發生啥代neh？！

(Téng-lé-pài) Saⁿ-goe̍h Chhe-saⁿ sī Hiân-thian-Siōng-tè Sèng-tàn, 【Sió Hong-Sîn】 ê chú-kak tio̍h sī ùi Tâi-lâm-chhī nn̄g-keng Siōng-tè-biō lâi kóng khì.
Sió-Siōng-tè-iâ hiooⁿ-hóe chhi-chhám siōoⁿ bô pōo, kèng-jiân beh kā i ê xxx the̍h khì tǹg-tiàm oāⁿ gîn-nió?
Soah--lâi koh ē hoat-seng siáⁿ-tāi neh?!