Hú-siâⁿ Tâi-lâm 4-tiâu khe 府城台南四條溪

台灣府城（台南）有四條溪：
（北向南）柴頭港溪、德慶溪、福安坑溪、竹溪。

我細漢ê時帶佇柴頭港溪彼搭，升國校時搬厝夠小北á，差不多是德慶溪這搭。

另外有一條文元溪，
花園夜市仔邊á彼間文元國校ê名着是按呢來ê。
台南公園內底彼ê燕潭ê水着是ùi文元溪來ê。

有人講文元溪後尾流入去德慶溪。嘛有一款講法認為伊直接流入台江內海。

Tâi-oân Hú-siâⁿ (Tâi-lâm) ū 4-tiâu khe:
 (Pak hiòng Lâm) Chhâ-thâu-káng-khe, Tek-khèng-khe, Hok-an-kheⁿ-khe, Tek-khe.

Góa sè-hàn ê sî tòa tī Chhâ-thâu-káng-khe hit-tah,
Seng Kok-hāu sî poaⁿ-chhù kàu Sió-pak-á, chha-put-to tī Tek-khèng-khe chit-tah.

Lēng-gōa ū chi̍t-tiâu Bûn-goân-khe,
Hoe-hn̂g Iā-chhī-á piⁿ-á hit-keng Bûn-goân Kok-hāu ê miâ tio̍h-sī án-ne lâi--ê. 
Tâi-lâm Kong-hn̂g lāi-té hit-ê Iàn-thâm ê chúi tio̍h-sî ùi Bûn-goân-khe lâi--ê.

ū-lâng kóng Bûn-goân-khe āu-bóe lâu li̍p-khì Tek-khèng-khe.
mah ū chi̍t-khoán kóng-hoat jīn-ûi i ti̍t-chiap lâu li̍p Tâi-kang-lāi-hái.