[meme] 過年寫字春

Koe-nî lâi siá jī-chhun(chhun-liân)
過年來寫字春（春聯）

Téng-kha: Thàn bô sóo-hùi thang chia̍h-chhēng?
Ē-kha: Hiān-tiôⁿ ián-liān khòaⁿ hoán-èng：P

頂跤：趁無所費通食穿？
下跤：現場演練看反應：P

Hoâiⁿ-phi: Ke-thâu Gē-jîn
橫批：人藝頭街（Chinese 愛ùi正爿寫夠倒爿：）

🤔細說：用meme來解說街頭藝人ê心態，一方面看來是趁無錢？換一个角度其實我是teh「趁」現場演練，研究觀眾真實ê反應：P

--

※ 仝場放送：是按怎逐家朗呼籲「回家」投票？

若像我留踮家鄉，安居樂業；踏淺拖散步出門着會凍投票ah！
毋免佇遐teh青狂拚路neh


這个meme是ùi歌手Drake 伊「Hotline Bling」這條歌MV來產生ê https://www.youtube.com/watch?v=uxpDa-c-4Mc

我親手「偕」 PS（Photo-Shop） 修圖合成，
兩張我ê大頭相，是ùi2016/06/14 不要核四五六運動演出相片「ka 鉸」落來ê 

偕 Kai：「共伊 kā-i」兩字連音變成「kai」

 2013/06/14 曾文細不要核四愛五六

（完整影片回顧 https://www.youtube.com/watch?v=1Yi6H1hG-_A）

Chō-ji̍t Chúi-tiān-á 昨日水電仔

Bāng-lōo ū chi̍t-ê chiat-bo̍k chin sî-kiâⁿ, hō-chò “It-ji̍t ?? hē-lia̍t”
網路有一个節目真時行號做「一日系列」

Lâng í-keng chiâⁿ Chhèng ah! Tòe lâng kha-chhng-bòe mā bô ì-sù,  
人已經成沖ah！Tòe（綴）人尻川尾嘛無意思， 

góa tō lâi chi̍t-ē-á “Chō-ji̍t Chúi-tiān-á” 
我tō（就）來一下á「昨日水電á」  

tī kiàⁿ-thâu piⁿ-a bīn chin-chiàⁿ ē piàn-hêng neh
佇鏡頭邊a面真正會變形neh

M̄-sī beh môo-hóng, sī góa chō-ji̍t chin-chiàⁿ ka-tī kā pâng-keng ōaⁿ sin--ê ji̍t-kong-teng. 
毋是欲模仿，是我昨日真正家治共房間換新ê日光燈。

Kî-si̍t góa mā bô siū-kòe sáⁿ-mí choan-gia̍p ê Chúi-tiān hùn-liān, 
其實我嘛無受過啥乜專業ê水電訓練，
ná ē-hiáu ōaⁿ ji̍t-kong-teng neh？
哪會曉換日光燈neh？ 

Góa ū ìn-siōng khai-sí, tiō tiāⁿ-tiāⁿ ū lâng chhōe góa tàu saⁿ-kāng beh ōaⁿ tiān-hóe...
我有印象開始tiō（就）定定有人揣我鬥相仝欲換電火...

in-ūi... góa sī chi̍t-ê sin-koân Pah-peh ê Lò-kha--ê.
因為...我是一个身懸百八ê「躼跤ê」 。
 

Lâi Su-iâⁿ lah~ 來輸贏lah~

Siōⁿ--lâi mā sī ū tām-po̍h-á bē-sóng,
想--來嘛是有淡薄仔未爽，

Sī Siăng Kui-tēng Lò-kha--ê tiō it-tēng ē-hiáu ōaⁿ tiān-hóe ah XD？
是Siăng（Siáⁿ-lâng「啥人」連音字）規定「躼跤ê」tiō一定會曉換電火ah XD？



Sī-kóng chit-ê siā-hōe mā kāng-khoán lah！
是講這个社會嘛仝款lah！
Cha-poo-lâng tō ài Kian-kiông, Lú-sèng tiō ài Un-jiû Tah-sim...？
查埔人tō愛堅強、女性tiō愛溫柔貼心...？

Ah tio̍h-sī án-ne, góa siōⁿ-beh lâi siá chit-phiⁿ Blog.
Ah着是按呢，我想欲來寫這篇BLOG。

Ōaⁿ tiān-hóe chin-chiàⁿ bô kài ho̍k-cha̍p, 
換電火真正無蓋複雜， 

tō kā Choán-choán--ê pat--lo̍h-lâi,
tō共「轉轉ê」扒落來，
koh kā sin--ê Choán-choán--ê tàu ji̍p-khì.
閣共新个「轉轉ê」鬥入去。


Tong-jiân,
當然，


góa kóng--ê sī ki-pún-khoán ê tiān-hóe.
我講ê是「基本款」ê電火。

Nā-sī ū khah ho̍k-cha̍p ê siáⁿ-mí Bî-tiān-náu téng-téng ê ki-koan,
若是有卡複雜ê啥乜「微電腦」等等ê機關，
ā-sī iú-chhiáⁿ choan-gia̍p chúi-tiān sai--ê lâi chhú-lí.
抑是有請專業水電師ê來處理。

110V ê tiān sui-jiân bô-kóng kài kiông, 
110V ê電雖然無講蓋強，
tiān liáu ū-kàu, kú lâng mā-sī ē bô-miā--ê.
電了有夠久，人嘛是會無命ê。

我是如何練習寫台文？

『很重要所以要講三次！講三次！講三次！』

“Chiok iàu-kín(tiōng-iàu) sóo-tì ài Kóng Saⁿ-kái！Kóng Saⁿ-kái！Kóng Saⁿ-kái！”
『足要緊（重要）所致愛講三改！講三改！講三改！』


Che sī chi̍t-kū chhiò-khoe koh jīn-chin ê Hiān-tāi Sio̍k-gān,
這是一句笑詼閣認真ê現代俗諺，


góa tō sī án-ne liān-si̍p siá Tâi-bûn--ê.
我tō是按呢練習台文--ê。


Ah！

Kî-si̍t góa chiah siá Nn̄g-piàn niâ lah,
其實我才寫「兩遍」niâ（爾爾）lah， 

『你看！是不是很簡單呢！』


Lí khòaⁿ！sī-m̄-sī chin kán-tan neh！ 
『你看！是毋是真簡單neh！』
eh...

Kiaⁿ lín khòaⁿ-bô, a̍h-sī kán-tan kái-soeh chi̍t-ē:
驚恁看無，抑是簡單解說一下：
1. Tāi-seng góa ē ti̍t-chiap siá choân Lô-má-jī / Pe̍h-ōe-jī.

2. Koh lâi góa tùi Lô-má-jī koh Phah-jī chi̍t-pái, m̄-ko kái Su-chhut 漢字Hàn-jī.

3. ài-iō！án-ne góa koh sūn-sòa liān--tio̍h Tâi-bûn Phah-jī ê Kang-hu neh！

1.代先我會直接寫羅馬字/白話字。
（tō親像恁頂懸看着ê彼段ABC）

2. 閣來我對羅馬字閣拍字一擺，毋過改輸出漢字。
（着是恁這馬讀ê這段） 

3. 噯喲！按呢我閣順紲練着台文拍字ê功夫neh！


---- 以下寫華文，體貼一下廣大Chheⁿ-mê-gû朋友們----