A-tiong Pōo-tióⁿ Mâu-tún tùi-chhiong 👽 阿中部長矛盾對沖

【Mâu-tún tùi-chhiong👽矛盾對沖】
 
Bat khòaⁿ-tio̍h ū pò-tō kóng lán chit-má Ōe-seng-hok-lī-pōo Tân Sî-tiong pōo-tióⁿ sī tē-it-ūi Khí-kho-i-seng lâi chò pōo-tióⁿ--ê.
捌看着有報導講咱這馬衛生福利部陳時中部長是第一位齒科醫生來做部長ê。

Pò-tō góa bô tiám-ji̍p-khì kā tha̍k,
m̄-koh góa ioh chha-put-to sī teh po Tân pōo-tióⁿ chin jīn-chin kut-la̍t chiah ū châi-tiāu chē tī chit ê ūi.
報導我無點入去共讀，毋過我臆差不多是塊講陳部長真認真骨力才有才調坐佇這位。 🤔
Khiā-tùi-bīn neh!?
徛對面neh？
Góa mā khòaⁿ-tio̍h ū-lâng kóng, chit-ê Tân--ê khí-kho i-seng, Bú-hàn Hì-iām i sī bat sáⁿ lah?!
我嘛看着有人講，這个陳ê齒科醫生，武漢肺炎伊是捌啥lah？！
 
ah téng-koân sī chìn-chêng Ōe-seng-sú Kok-bîn-kiān-khong-kio̍k ê LOGO, 
ah頂懸是進前衛生署國民健康局ê LOGO，
Khòaⁿ--khí-lâi chhin-chhiōⁿ Saⁿ-ê-lâng Liâm-thi-thi m̄-chai the sńg siáⁿ-mih PLAY？
看起來親像三个人黏黐黐毋知塊耍啥乜Play？

Chit-má kái-chè pìⁿ Ōe-seng-hok-lī-pōo Kok-bîn-kiān-khong-Sú, tio̍h ōaⁿ sin-ê Logo ah.
這馬改制變衛生福利部國民健康「署」 ，着換新个Logo ah。

[meme] 過年寫字春

Koe-nî lâi siá jī-chhun(chhun-liân)
過年來寫字春（春聯）

Téng-kha: Thàn bô sóo-hùi thang chia̍h-chhēng?
Ē-kha: Hiān-tiôⁿ ián-liān khòaⁿ hoán-èng：P

頂跤：趁無所費通食穿？
下跤：現場演練看反應：P

Hoâiⁿ-phi: Ke-thâu Gē-jîn
橫批：人藝頭街（Chinese 愛ùi正爿寫夠倒爿：）

🤔細說：用meme來解說街頭藝人ê心態，一方面看來是趁無錢？換一个角度其實我是teh「趁」現場演練，研究觀眾真實ê反應：P

--

※ 仝場放送：是按怎逐家朗呼籲「回家」投票？

若像我留踮家鄉，安居樂業；踏淺拖散步出門着會凍投票ah！
毋免佇遐teh青狂拚路neh


這个meme是ùi歌手Drake 伊「Hotline Bling」這條歌MV來產生ê https://www.youtube.com/watch?v=uxpDa-c-4Mc

我親手「偕」 PS（Photo-Shop） 修圖合成，
兩張我ê大頭相，是ùi2016/06/14 不要核四五六運動演出相片「ka 鉸」落來ê 

偕 Kai：「共伊 kā-i」兩字連音變成「kai」

 2013/06/14 曾文細不要核四愛五六

（完整影片回顧 https://www.youtube.com/watch?v=1Yi6H1hG-_A）

Chō-ji̍t Chúi-tiān-á 昨日水電仔

Bāng-lōo ū chi̍t-ê chiat-bo̍k chin sî-kiâⁿ, hō-chò “It-ji̍t ?? hē-lia̍t”
網路有一个節目真時行號做「一日系列」

Lâng í-keng chiâⁿ Chhèng ah! Tòe lâng kha-chhng-bòe mā bô ì-sù,  
人已經成沖ah！Tòe（綴）人尻川尾嘛無意思， 

góa tō lâi chi̍t-ē-á “Chō-ji̍t Chúi-tiān-á” 
我tō（就）來一下á「昨日水電á」  

tī kiàⁿ-thâu piⁿ-a bīn chin-chiàⁿ ē piàn-hêng neh
佇鏡頭邊a面真正會變形neh

M̄-sī beh môo-hóng, sī góa chō-ji̍t chin-chiàⁿ ka-tī kā pâng-keng ōaⁿ sin--ê ji̍t-kong-teng. 
毋是欲模仿，是我昨日真正家治共房間換新ê日光燈。

Kî-si̍t góa mā bô siū-kòe sáⁿ-mí choan-gia̍p ê Chúi-tiān hùn-liān, 
其實我嘛無受過啥乜專業ê水電訓練，
ná ē-hiáu ōaⁿ ji̍t-kong-teng neh？
哪會曉換日光燈neh？ 

Góa ū ìn-siōng khai-sí, tiō tiāⁿ-tiāⁿ ū lâng chhōe góa tàu saⁿ-kāng beh ōaⁿ tiān-hóe...
我有印象開始tiō（就）定定有人揣我鬥相仝欲換電火...

in-ūi... góa sī chi̍t-ê sin-koân Pah-peh ê Lò-kha--ê.
因為...我是一个身懸百八ê「躼跤ê」 。
 

Lâi Su-iâⁿ lah~ 來輸贏lah~

Siōⁿ--lâi mā sī ū tām-po̍h-á bē-sóng,
想--來嘛是有淡薄仔未爽，

Sī Siăng Kui-tēng Lò-kha--ê tiō it-tēng ē-hiáu ōaⁿ tiān-hóe ah XD？
是Siăng（Siáⁿ-lâng「啥人」連音字）規定「躼跤ê」tiō一定會曉換電火ah XD？



Sī-kóng chit-ê siā-hōe mā kāng-khoán lah！
是講這个社會嘛仝款lah！
Cha-poo-lâng tō ài Kian-kiông, Lú-sèng tiō ài Un-jiû Tah-sim...？
查埔人tō愛堅強、女性tiō愛溫柔貼心...？

Ah tio̍h-sī án-ne, góa siōⁿ-beh lâi siá chit-phiⁿ Blog.
Ah着是按呢，我想欲來寫這篇BLOG。

Ōaⁿ tiān-hóe chin-chiàⁿ bô kài ho̍k-cha̍p, 
換電火真正無蓋複雜， 

tō kā Choán-choán--ê pat--lo̍h-lâi,
tō共「轉轉ê」扒落來，
koh kā sin--ê Choán-choán--ê tàu ji̍p-khì.
閣共新个「轉轉ê」鬥入去。


Tong-jiân,
當然，


góa kóng--ê sī ki-pún-khoán ê tiān-hóe.
我講ê是「基本款」ê電火。

Nā-sī ū khah ho̍k-cha̍p ê siáⁿ-mí Bî-tiān-náu téng-téng ê ki-koan,
若是有卡複雜ê啥乜「微電腦」等等ê機關，
ā-sī iú-chhiáⁿ choan-gia̍p chúi-tiān sai--ê lâi chhú-lí.
抑是有請專業水電師ê來處理。

110V ê tiān sui-jiân bô-kóng kài kiông, 
110V ê電雖然無講蓋強，
tiān liáu ū-kàu, kú lâng mā-sī ē bô-miā--ê.
電了有夠久，人嘛是會無命ê。