[問] 台灣以經獨立，名叫做『東印度公司』？

 

👽 荷蘭時代ê台灣人敢ē講：

 

「台灣以經獨立，名叫做『東印度公司（簡寫VOC）』？」

 

 Hô-lan-sî-tāi ê Tâi-oân-lâng kám-ē kóng:

“Tâi-oân í-keng to̍k-li̍p, miâ kiò-chò Tang-Ìn-tō͘ Kong-si”
wikipedia（荷蘭東印度公司，聯合東印度公司 荷蘭語：Vereenigde Oostindische Compagnie，簡稱VOC）

 

--

 

Kóng VOC  ta̍k-ke lóng chai-iáⁿ sī chhiò-khoe.

ōaⁿ kóng ROC, ta̍k-ke tian-tò sī Sìn-sìn-sìn？？？

 

 

榮登「台灣第一份報紙」TÂI-OÂN KÀU-HŌE KONG-PÒ 台灣教會公報！！

Liân-sòa Nn̄g-kî chhut-hiān tī TÂI-OÂN KÀU-HŌE KONG-PÒ, ū-iáⁿ sī chin kong-êng!!

Tāi-seng sī Sè-chhiú-ko-ko（👽Góa lah：P） kin-nî Peh-goe̍h khai-sí tī Kong-pò-siā Chheh-pâng ēng Tâi-gí kóng-kò͘-sū, chi̍t khai-sí bô siōⁿ sioⁿ-chē, sūn-chhiú kā beh tha̍k ê hōe-pún kò͘-sū siá chò chhit-jī-á, hiān-tiôⁿ kóng Gín-á-kò͘ kiam liām-koa.

Cha̍p-goe̍h hit kái kóng O͘-bīn-lā-poe ê kò͘-sū, ka-kang ka-ji̍p Pe̍h-hái-ti-á ê kò͘-sū khì tâu-kó, tī téng lé-pài tē-3587-kî khan-teng chhut-lâi ah!

連紲「兩期」出現佇《TÂI-OÂN KÀU-HŌE KONG-PÒ 台灣教會公報》，有影是真光榮！！

代先是「細手哥哥」（我lah：P） 今年八月開始佇公報社冊房用台語講故事，一開始無想傷濟，順手共欲讀ê繪本故事寫做七字仔，現場講囡仔古兼念歌。

十月彼改講烏面抐桮ê故事，加工加入白海豬仔ê故事去投稿，佇頂禮拜第3587期刊出來ah！

【唸歌】現代地獄18景 之 海岸悲歌 Hiān-tāi Tē-ga̍k 18-kéng chi Hái-hōaⁿ Pi-koa

→ https://chanbunse.blogspot.com/2020/12/18-hian-tai-te-gak-18-keng-chi-hai-hoa.html

Siông-sè lāi-iông í-keng lēng-gōa siá tī Chanbûnsè MUSIC ART ê Blog, hoan-gêng ta̍k-ke siu-khòaⁿ.

詳細內容以經另外寫佇Chanbûnsè MUSIC ART ê Blog，歡迎逐家收看。

台灣教會公報新聞網 → https://tcnn.org.tw/archives/79170

--

Sòa--lâi sī Tē-jī-pái Teng-pò, tē-3588-kî.

Chit-kái sī pò-tō Kong-pò-siā Tâi-gí Kóng-kò͘-sū chì-kang ê gián-si̍p.

Kî-si̍t hit-kang hiān-tiôⁿ koh-ū kî-thaⁿ káng-chiá, chin êng-hēng soán-tio̍h góa ê siòng-phìⁿ lâi phòe pò-tō ê bûn-jī. m̄-chai sī m̄-sī kì-chiá pian-chip “Khòaⁿ Lí Iân-tâu lah!”？

徙--來是第二擺登報，第3588期。

這改是報導公報社台語講故事志工ê研習。

其實彼工現場閣有其他講者，真榮幸選着我ê相片來配報導ê文字。毋知是毋是記者、編輯『看你緣投lah！』？

--

TÂI-OÂN KÀU-HŌE KONG-PÒ, 1885-nî Chhit-goe̍h Cha̍p-gō͘ í “TÂI-OÂN HÚ-SIÂⁿ KÀU-HŌE-PÒ” ê miâ chhòng-khan, sī Tâi-oân Tē-it-hūn-pò-chóa! Oân-choân sú-iōng Tâi-gí Pe̍h-ōe-jī lâi ìn-soat chhut-pán. 

Lán Tâi-gí chit-má ē-tàng ū Pe̍h-ōe-jī chiah-nī hó ê bûn-jī-hē-thóng, TÂI-OÂN KÀU-HŌE KONG-PÒ ū chin-tōa ê kong-lô, chin-chiàⁿ kám-un!

《TÂI-OÂN KÀU-HŌE KONG-PÒ 台灣教會公報》，1885年七月十五以《TÂI-OÂN HÚ-SIÂⁿ KÀU-HŌE-PÒ 台灣府城教會報》ê名創刊，是「台灣第一份報紙」！完全使用Tâi-gí Pe̍h-ōe-jī 台語白話字來印刷、出版。

咱台語這馬會凍有白話字遮呢好ê文字系統，《TÂI-OÂN KÀU-HŌE KONG-PÒ 台灣教會公報》有真大ê功勞，真正感恩！

--

※ 華：《台灣教會公報》每期都有PDF數位格式在網路上可以閱覽，當然也歡迎大家收藏紙本，享受台文閱讀的樂趣。

彈珠超人的「續集」，瓶蓋超人！

Siáu-chán--ê
tī mô͘-hêng thó-lūn-khu khòaⁿ lâng hun-hióng Kòa-á Chhiau-jîn ê ang-á:

痟讚ê！
佇模型討論區看人分享「蓋仔超人」ê尪仔：

11/02
😄 『剛下班在忠孝SOGO購入
去的時候架上現貨還很滿
250NT一隻，瓶蓋一包90NT』
--

😛 『把明通治痛單改一改就能玩了
不到二十元』
--
😏 『你先作一隻來看看啊
要能發射瓶蓋喔』
 

.
.
.

11/10
😛  『明通治痛單改的瓶蓋人
瓶身很硬、割得我手好痛』

--

ah 幹！閣真正kā『明通治痛單』超人做出來 neh XD

--

明通治痛單改的瓶蓋人：瓶身很硬、割得我手好痛

用粗吸管加工

可填彈,發射效果差

--

👽 細說「蓋仔超人」：   

「 キャップ革命ボトルマン Kòa-á Kek-bēng Koàn-á Chhiau-jîn 蓋仔革命罐仔超人」

是「ビーダマン B-Daman 珠仔超人 Chu-á Chhiau-jîn」 這个尪仔/𨑨迌物ê「續集」

珠á超人tōaⁿ玻璃珠á來對戰，有影危險。這馬改做彈塑膠蓋á，閣會凍對應Nintendo Switch做伙耍，真厲害neh！

「ボトルマン」照翻是「罐仔超人」，毋過nā依照尪仔ê特色（發射蓋仔），應該也是翻譯做「蓋仔超人」卡好理解hoⁿh？

 https://aqua.komica.org/09/pixmicat.php?res=365519